كيف تسافر رحلة حلوة بأقل مصروف؟
السفر متعة ما إلها مثيل، بس كلنا منعرف إن المصروف ممكن يخرّب الرحلة إذا ما حسبناها صح. بين تذاكر الطيارة، والفنادق، والأكل، والمواصلات… فجأة بتلاقي حالك صرفت أكتر مما كنت متوقّع!
لهيك، جمّعنا لك عشر خطوات ذكية وعمليّة بتساعدك تقلّل المصروف وتستمتع بكل لحظة من رحلتك من دون ما تتوتر من الفاتورة آخر النهار.
احجز بكّير
كل ما حجزت الطيارة أو الفندق أبكر، كل ما كان السعر أرخص. العروض المبكرة دايمًا بتكون أرخص من آخر لحظة.
استعمل تطبيقات المقارنة
في مواقع مثل Skyscanner و Booking بتفرجيك أرخص الأسعار، وحتى أوقات بِكون في كاش باك أو خصم إضافي.
خليك خفيف
ما في داعي تاخد نص خزانتك!
شنطة صغيرة بتكفي، وهيك بتتجنّب تدفع وزن زايد بالمطار.
اختار سكن ذكي
مش ضروري فندق خمس نجوم. في Airbnb أو Hostels أو حتى شقق مفروشة أرخص وأنظف أوقات.
وإذا كنت مطول بالسفرة أوفرلك تستإجر بيت مفروش.
أكل الشارع مش عيب
جرب الأكل المحلي من عربايات أو مطاعم صغيرة، أرخص وأطيب من المطاعم السياحية الغالية.
استخدم النقل العام
المترو، الباصات، أو حتى الدراجة، أرخص بكتير من التاكسي أو التطبيقات متل Uber أو Allo Taxi أو Bolt أو مثلاً Heya Ride تاكسي مخصص للنساء لأكثر أمان خاصة للفتيات الي بتسافر لحالها .
اشترِ من السوبرماركت
الماء، العصير، السناكات... أرخص بكتير من الكافيهات والمطاعم. خذهم معك وقت التنقل.
خطّط برنامجك قبل السفر
لما تعرف وين رايح وشو بدك تعمل، ما بتضيع وقتك (ولا مصاريك) على نشاطات غالية ما إلها لزوم.
وأهم شي تقارن بين أسعار الفعاليات بكذا مطرح.
دور على الأنشطة المجانية
مهرجانات، معارض، أو جولات مجانية موجودة بكل مدينة تقريباً بس بدها شوية بحث.
وحتى المتاحف الوطنية عادةً بتكون أرخص من باقي المتاحِف وهيك بتكون تعرفت على البلد وثقافته بنفس الوق.
خفف التسوّق!
الهدايا البسيطة الرمزية أحلى وأوفر من الماركات الغالية. الذكريات أهم من الأكياس.
وبالختام، السفر مش دايمًا يعني صرف كتير، بل يعني تخطيط صح وذكاء بالمصروف. لما تعرف تستخدم التطبيقات الصح، وتحجز بوقت مناسب، وتختار وسيلة النقل والاكل والسكن اللي بتناسب ميزانيتك، بتكتشف إنك فيك تستمتع بكل لحظة من الرحلة من دون ما تتراكم الفواتير عليك. التوفير مش يعني حرمان، بل هو فن إدارة الأولويات: وين بتصرف لتنبسط، ووين بتوفّر لتكمّل الرحلة براحة. خليك دايمًا مرن، جرّب أشياء جديدة، واسأل أهل البلد عن النصائح المحلية لأن أحيانًا أجمل التجارب بتكون ببساطة الشارع، مش بفخامة الفنادق. المهم ترجع بذكريات أغنى… ومحفظة بعد فيها شوية عمولة!